Төрийн өмчит МИАТ компани орон нутгийн есөн чиглэлийн нислэгийг сэргээж, долоо хоногт 1-3 удаа тогтмол нислэгтэй болж, тийзний үнийг 2-3 дахин хямдруулж байгаа талаар УИХ-ын гишүүн, Зам, тээврийн хөгжлийн сайд С.Бямбацогт өнөөдөр /2023.06.14/ мэдэгдлээ.
Зам, тээврийн хөгжлийн сайд С.Бямбацогт “Орон нутгийн нислэгийг сэргээнэ, тийзний үнийг бууруулна гэхээр итгэх хүн ховорхон л байсан. Тэгвэл МУ-ын Засгийн газрын ШИНЭ СЭРГЭЛТИЙН БОДЛОГО агаарын тээврийн либералчлалыг эрчимжүүлж, СЭРГЭЛТ бодитой болсоор байна. Бид орон нутагт ажиллаж байгаа ард, иргэдийгээ дэмжих, нөгөө талаас Монгол Улсад ирж байгаад гадаадын жуулчдад байгалийн үзэсгэлэнт газруудад аялах, амарч зугаалах бололцоог олгохоор орон нутгийн есөн чиглэлд хямд нислэг үйлдэх ажлыг эхлүүллээ.” гэсэн юм.
МИАТ компаниас дараах аймгуудын нислэгийг 7 сарын 1-ээс сэргээж, тийзний үнийг хямдруулсан байна.
- Улаанбаатар- Даланзадгад, нэг талдаа 250-340 мянга, хоёр талдаа 500-680 мянга
Улаанбаатар- Алтай, нэг талдаа 365-426 мянга, хоёр талдаа 730-852 мянга
Улаанбаатар- Мөрөн, нэг талдаа 250-340 мянга, хоёр талдаа 500-680 мянга
Улаанбаатар- Улаангом, нэг талдаа 400-426 мянга, хоёр талдаа 800-852 мянга
Улаанбаатар- Ховд, нэг талдаа 405-451 мянга, хоёр талдаа 810-902 мянга
Улаанбаатар- Өлгий, нэг талдаа 405-451 мянга, хоёр талдаа 810-902 мянга
Улаанбаатар – Улиастай, нэг талдаа 316-376 мянга, хоёр талдаа 633-752 мянга
Улаанбаатар – Чойбалсан, нэг талдаа 268-308 мянга, хоёр талдаа 537-617 мянган төгрөгийн үнэтэй
