МЭДЭЭ, МЭДЭЭЛЭЛ

ЭЦЭГ, ЭХЧҮҮДИЙН АНХААРАЛД: 6 сарын 1-нд хүүхдээ хаагуур баярлуулахаа төлөвлөж амжаагүй байгаа бол

ЭЦЭГ, ЭХЧҮҮДИЙН АНХААРАЛД: 6 сарын 1-нд хүүхдээ хаагуур баярлуулахаа төлөвлөж амжаагүй байгаа бол

Өнөөдөр Олон улсын хүүхдийн эрхийг хамгаалах өдөр. Хүүхдийн баяраар нийслэлийн хэмжээнд олон нийтийг хамарсан үйл ажиллагааг 14 байршилд зохион байгуулна.

Өнөөдрийн хувьд бүрхэг, 15 градусын дулаантай сэрүүвтэр өдөр болох тул цаг агаарын нөхцөл байдалд тааруулан хувцаслахыг анхааруулж байна.

Хүүхдүүдээ баярлуулахаар цэхэж буй эцэг, эхчүүдэд дуулгахад Олон улсын хүүхдийн эрхийг хамгаалах өдрийг тохиолдуулан зохион байгуулагдах олон нийтийг хамарсан арга хэмжээнүүдээс шалтгаалж замын хөдөлгөөнийг 8.00-20.00 цагийн хооронд хэсэгчилсэн чиглэлд өөрчлөх талаар ЗХУТ-ийн Хөдөлгөөн зохицуулалт, хяналтын хэлтсээс урьдчилан мэдэгдээд буй.

Ингэхдээ, Монголын хүүхдийн ордны уулзвараас Шангри-ла төв хүртэл (Гэндэнгийн гудамж)

Хүмүүнлэгийн ухааны их сургуулийн уулзвараас Централ тауерын урд уулзвар хүртэл (Их сургуулийн гудамж)

Чингис хаан музейн уулзвараас Төв шуудангийн уулзвар хүртэл (Чингисийн гудамж)

Ус, цаг уурын хүрээлэнгээс Төрийн ордны баруун талын уулзвар хүртэл (Жуулчдын гудамж)

“Галлериа” худалдааны төвөөс Спортын төв ордон хүртэл (Амарын гудамж) зам хаах юм.

Хүүхдүүдийн баярын парад 10.30-11.00 цагийн хооронд Монголын хүүхдийн ордноос Төв шуудангийн уулзвар хүртэл явах учраас зарим гудамж замын хөдөлгөөнийг түр хязгаарлана. Мөн 12.00-12.30 цагийн хооронд Централ тауерын уулзвараас Шангри-лагийн уулзвар хүртэл хөдөлгөөн түр хязгаарлаж, парад явахыг мэдээллийг мэдээд авчихад илүүдэхгүй биз ээ.

Харин баярын өдрийн нэгдсэн арга хэмжээний тухайд, Сүхбаатарын талбай, Монголын хүүхдийн ордон, Монголын хүүхдийн урлан бүтээх төвийн талбай, Үндэсний цэцэрлэгт хүрээлэн, Үндэсний соёл амралтын хүрээлэн, 22-ын товчоонд байрладаг Авто худалдааны төв болон найман дүүргийн талбайд хүүхдэд зориулсан үйл ажиллагаа зохион байгуулах юм. 

СОЁЛЫН ТӨВ ӨРГӨӨ:

  • 10.30-17.00 цагийн хооронд “Хөгжлийн харандаа инновацын үзэсгэлэн 2023”

Уг үйл ажиллагаанд шинжлэх ухааны сонирхолтой туршилт, үзүүлбэрүүдийг танилцуулж, AR, VR технологийн гайхамшиг, виртуал ертөнцийн хөгжлийг мэдрүүлнэ. Мөн сэтгэхүй хөгжүүлэх тоглоом, Анаграгаас ирсэн аяган бялууг амтлах, Мобайл PUBG, CSGO шилдэг багуудын тэмцээнийг газар дээрээс нь үзэх боломжтой ажээ. Урилгаар caster Tuvshuun, Chinzo нар очих аж.

МОНГОЛЫН ХҮҮХДИЙН ОРДОН:

  • 09.30-19.00 цагийн хооронд “Хүүхдийн ертөнц” фестиваль

Зохион байгуулагчдын зүгээс 3х3 эхмжээтэй асар, 5х5 ам.дөрвөлжин талбай бүхий задгай талбай болон томоохон байгууламж байрлуулах боломжит хүрэлцээтэй талбайд тохижилт хийж, хоолны үйлчилгээг снаал болгож буй. Мөн 20 мянгаас дээш хүнийг хүлээн авах хүчин чадалтай өдөрлөг гэдгээ онцолж байлаа.

Фестивалийн хүрээнд Хүүхдийн ордны 600 гаруй хүүхдийн тоглолт, “Алиса гайхамшгийн оронд” хүүхдийн жүжиг, баярын парад, уралдаан тэмцээн, гар урлалыг зохион байгуулах ажээ.

“Алиса гайхамшгийн оронд” жүжгийг энэ сарын 1-4-ны өдрүүдэд 11.00, 13.00, 15.00 цагуудад Хүүхдийн ордны их танхимд тоглох юм байна.

ХҮҮХДИЙН УРЛАН БҮТЭЭХ ТӨВ:

  • 11.00-13.00 цагт “Бүтээлч хүүхэд” өдөрлөг

Тус урлан бүтээх төвийн урд талбайд очиж эцэг эх, асран хамгаалагчид хүүхэд багачуудтайгаа хамт мэргэжлийн багшийн тусламжтайгаар хүссэн зургаа зурж бүтээх боломжтой ажээ. Ингэхдээ нэг дор 100 эцэг эх, асран хамгаалагчид хүүхдүүдтэйгээ оролцох юм байна. Түүнчлэн хүүхдүүдийнхээ хамтаар бөмбөлөг дээр зураг зурах ажээ. Уг бүтээлийг Хүүхдийн урлан бүтээх төвөөс үнэ төлбөргүй бэлэглэх юм байна.

CROCUS EVENT HALL:

  • 11.00, 14.00, болон 17.00 цагуудад “Gremix тоглоомын ертөнцөд алдагдсан нь”

Хорон санаат хиймэл оюун ухаан тоглоомын ертөнцийг өөрийн болгож хүүхэд бүрийг дэлгэцэнд донтуулах болно. Харин тоглоомын ертөнцийг аварч хүүхэд бүрийг чөлөөлөх баатраар Gremix сонгогдох болно. Түүний адал явдлыг өнөөдөр үзэх боломжтой бөгөөд нэг тасалбараар нэг хүн нэвтэрч орно гэдгийг санах хэрэгтэй юм.

ZAISAN HILL EVENT HALL:

  • 11.00, 13.00, 17.00 цагуудад “Үзэсгэлэн гоо ба жонон” хүүхдийн жүжиг

ҮНДЭСНИЙ ЦЭЦЭРЛЭГТ ХҮРЭЭЛЭН:

  • 11.00, 14.00, 17.00, 20.00 цагуудад “Дэлхий мод” сентиз жүжиг
  • 10.00 цагаас “Том баяр” хөтөлбөр

УЛСЫН ХҮҮХЭЛДЭЙН ТЕАТР:

  • 13.00 цагаас “Аз жаргалтай ханхүү” хүүхэлдэйн жүжиг

“Аз жаргалтай ханхүү” жүжиг нь бяцхан үзэгчдэд хийсвэр өнгөц болон бодит үнэлэмжийн талаархи ойлголтыг өгнө. Аз жаргал гэж чухам юу юм бэ, тэр нь хаана байдаг юм бол, хэрхэн аз жаргалд хүрэх тухай өгүүлнэ.   

Голын эрэг дээр зуссан бяцхан хараацай өвөл болохоос өмнө дулаан орныг зорин нисэхээсээ өмнө зунжин дурласан зэгсийг хамт явахыг гуйна. Хараацай зэгсийг яагаад хамт явж чадахгүй байгаа тухайг бодолгүйгээр урамгүйхэн Египетийг зорин нисэж байгаагаар жүжиг эхэлнэ. Тэрээр замдаа нэгэн  хотод саатаж, Аз жаргалтай ханхүүгийн хөшөөтэй тааралдан ярилцаж түүнд тусалснаар өөрийнхөө жинхэнэ мөн чанарыг олж бусдыг аз жаргалтай болгож байгаа тухай гарна.

“Аз жаргалтай ханхүү” жүжиг нь харааны болон сонсголын бэрхшээлтэй үзэгч, хүүхэд багачууд үзэх боломжтой уран бүтээл юм

АВТО ХУДАЛДААНЫ ТӨВ:

  • 09.00 цагаас “Power Expo 2023”

11 дэх жилдээ зохион байгуулах тус үйл ажиллагаа нь энэ сарын 4-ний өдрийг хүртэл үргэлжлэх юм. Улаанбаатар хотын хамгийн том асфальтан талбай Авто худалдааны цогцолборын төвийн 25 га газрыг хамрах ажээ.

Тус үйл ажиллагаанд,

  • EXTREME төрлийн бүх авто мото спорт үзүүлбэр шоу
  • EXPO бүх төрлийн үйлчилгээний нэгдсэн үзэсгэлэн
  • ENTERTAINMENT гадаадын болон дотоодын уран бүтээлчдийн нэгдсэн хөгжмийн наадам гэсэн хэсэгтэйгээр зохион байгуулна.

Оролцох уран бүтээлчид нь,

  • The HU, Ray Ray DJ, Planet Hip Hop, Toonot, Niciton, Nisvanis, Big Gee, Mrs M, Ginjin нар оролцох ажээ.

MILLENNIUM PLAZA:

  • 10.00 цагаас “Teen choice” үйл ажиллагаа

Тэгвэл хамгийн том үйл ажиллагаа Төв талбайд болох аж. Тодруулбал 11.00 цагаас 20.00 цаг хүртэл үрэглжлэх тус үйл ажиллагааны төгсгөлд реппер Roockie бүрэн хэмжээний тоглолт хийх ажээ. 

Хуваалцах:

Мэдээллээс илүү МЭДЛЭГИЙГ, 

Мэдлэгээс илүү МЭДРЭМЖИЙГ…

Бидэнтэй нэгдэх